Velkomen
UNESCO Globale Geoparkar er samanhengande geografiske område med landskap og geologi av internasjonal og vitskapleg verdi. Desse områda blir forvalta heilskapleg, med vekt på vern, utdanning og berekraftig utvikling.
Fire geoparkar har gått saman med to norske universitet for å utvikle nye læringsressursar for lærarar og elevar. Dette er Buzău Land Geopark i Romania, Joyce Country and Western Lakes Geopark i Irland, Tuscan Mining Geopark i Italia og Sunnhordland Geopark i Noreg. Universiteta er Høgskulen på Vestlandet (HVL) og Universitetet i Stavanger (UiS).
I samarbeid med Høgskulen på Vestlandet og Universitetet i Stavanger arbeider desse geoparkane saman i GeoSite-prosjektet som skal gje lærarar meir kunnskap og effektive verktøy for undervisning i geologi og naturfag – både generelt og innanfor deira eigne geoparkar sitt særpreg.
For å møte dei vanlege transportutfordringane mange skular har, viser prosjektet fram nokre av dei meir avsidesliggjande geologiske perlene i kvar deltakar-geopark gjennom digitale omvisingar og moderne læringsressursar, kombinert med elevaktivitetar. I tillegg blir det foreslått pedagogiske tilnærmingar for aktiv læring.
Visjonen til FN og UNESCO er å styrkje sambanda mellom menneske, slik at berekraftige idear og verdiar om samfunn og naturmiljø kan delast og utviklast vidare. Partnarane i GeoSite-prosjektet utgjer eit engasjert fagteam frå fire nasjonar som tilfører stor verdi til sine respektive geoparkar. Me håpar at denne nettsida òg vil vere til nytte for lærarar og skular utanfor geoparkane.
UNESCO Globale Geoparkar
Finn ut meir om kva UNESCO Globale Geoparkar er, og korleis dei bidreg i sine lokalsamfunn. Her finn du òg meir generell informasjon om naturfag, inkludert geologi.
Ressursar
Geologisk tidslinje
Utforsk historia og utviklinga til planeten vår – og prøv å forstå kva me eigentleg meiner med at jorda er 4,6 milliardar år gammal.
Virtuelle omvisingar
Opplev avsidesliggjande område i geoparkane gjennom ei 360º digital omvising som gjev eit godt virtuelt møte med ein lokalitet som kan vera vanskeleg å nå fysisk.
Dialogkortspel
Eit nyttig verktøy for å starte samtalar med elevane – både i klasserommet og ute i naturen.
Andre tilrådde nettressursar
Utforsk ei nøye utvald liste over anbefalte digitale ressursar om geologi og geoparkar – perfekt for å fordjupe kunnskapen din, planleggje besøk eller finne undervisningsmateriell.
Retningsliner
Aktive læringsmetodar
Ei skildring av ulike pedagogiske tilnærmingar som er nyttige i naturfagsundervisninga – til dømes samarbeidslæring og dialogbasert undervisning. Praktiske døme og tips.
Undervisningsopplegg
Døme på undervisningsplanar knytte til naturfag og geoparkar, som kan brukast både i klasserommet og ute i felt. Det er òg foreslått eit sett med praktiske retningsliner for ekskursjonar i naturen.
Pedagogiske retningsliner for geoparkar
Informasjon for nye eller etablerte geoparkar om korleis dei kan utvikle og styrkje sitt eige undervisningsprogram.
Geoparkpartnarar
UNESCO Global Geopark Sunnhordland
I Sunnhordland er du alltid nær ein utvald lokalitet der berggrunn, landskap og utstillingar gir både innsikt og utsyn. Utforsk innhaldet i sunnhordlandsnaturen som har gjeve UNESCO-status – og der natur og kultur er vevde saman.
Joyce County & Western Lakes Geopark
Eit landskap forma av is – med fjell og innsjøar, sykkelstiar og turvegar, verdskjende aurefiske, slott og ruinar, vakre landsbyar og rik mat- og kulturarv.
Buzau County UNESCO Global Geopark
Buzăului UNESCO Geopark ligg søraust i Romania, i svingen av Dei austlege Karpatane. Geoparken omfattar mange geologiske og paleontologiske lokalitetar av stor vitskapleg verdi, inkludert særprega geologiske fenomen.
Tuscan Mining UNESCO Global Geopark
Dei geologiske særtrekka i denne geoparken er eit resultat av den lange og komplekse geologiske utviklinga i Sør-Toscana, knytt særleg til danninga av den lokale fjellkjeda (Appenninane).