Geologi
Bergartar er bygde opp av mineral, faste krystallstrukturar som er den naturlege forma til bestemte molekyl under våre trykk- og temperaturtilhøve. Til dømes er kvarts (SiO₂) eit mineral. Ein kan seie at mineral er cellene i bergartane.
Bergartar blir heile tida danna, omforma og øydelagde gjennom det vi kallar bergartssyklusen. Når lava og magma kjølnar, størknar dei til magmatiske bergartar. Når bergartar blir utsette for vêr og vind, forvitrar dei, og dei lause delane – sedimenta – samlar seg i bestemte miljø. Desse sedimenta kan bli dekte og pressa saman over tid og bli til sedimentære bergartar. Under sterkt trykk og høg temperatur kan bergartar metamorfosere (endre seg) til nye bergartar vi kallar metamorfe bergartar. Og alle desse bergartane kan til slutt smelte att dersom dei blir pressa djupt nok ned i jordskorpa – og slik byrjar syklusen på nytt med magma.
Bergartar blir heile tida danna, omforma og øydelagde gjennom det vi kallar bergartssyklusen. Når lava og magma kjølnar, størknar dei til magmatiske bergartar. Når bergartar blir utsette for vêr og vind, forvitrar dei, og dei lause delane – sedimenta – samlar seg i bestemte miljø. Desse sedimenta kan bli dekte og pressa saman over tid og bli til sedimentære bergartar. Under sterkt trykk og høg temperatur kan bergartar metamorfosere (endre seg) til nye bergartar vi kallar metamorfe bergartar. Og alle desse bergartane kan til slutt smelte att dersom dei blir pressa djupt nok ned i jordskorpa – og slik byrjar syklusen på nytt med magma.
Overflata på planeten vår er sett saman av puslespelbrikker som vi kallar tektoniske plater. Desse platene rører seg over jordoverflata, somme gonger mot kvarandre og somme gonger frå kvarandre. Denne prosessen har omforma jordas hav og kontinent jamleg gjennom heile tida planeten har eksistert.
Jorda er 4,6 milliardar år gammal – 4 600 millionar år. Menneske er eigentleg ikkje skapte for å forstå eit så langt tidsspenn. Men vi har klart å rekonstruere historia til planeten vår gjennom desse tusenvis av millionar år takka vere spor i bergartane. Vi kan no forstå korleis fjella våre vart danna, kvar kontinenta låg før, korleis livet utvikla seg og korleis klimaet på jorda endra seg. Hugs å sjå på vårt digitale tidslinjeverktøy for å utforske den enorme historia til planeten vår.